Hapit na ang bakasyon

Karong simana kay balaan na simana. Pag balaan na simana, taas ang bakasyon kay balaan man ang simana. Ang uban kay mangadtog beach, ang uban kay mag puyo lang sa sulod sa balay, ug ang uban kay mag muni muni lang sa dalan. Daghan malls ang sirado, pero ang mga beach resort abri.

Diri sa manila daghan gihapon abri na mga tindahan ug laagan. Sa bonifacio high street, halos abri tanan, sa mall of asia ug sa glorietta. Makalaag lang gihapon ang mga bugoy maskin balaan ang simana! Yahhoo! lami kaayo mulaag, kay walay buhaton sa balay, ug sa opisina. Wala kay huna hunaon kun dili laag ug tulog ug kaon. Hay kalami sa kinabuhi kung bakasyon, labin na kung balaan na simana kay hilom kaayo ang palibot. Daghan man gud mag baguio ug mag boracay, kay daghan gusto mag pawala ug stress gikan sa trabaho. Pero ako ani, mag puyo lang ko sa balay, kay wala man koy buhaton, wala sad koy mabuhat kay wala may kwarta, ug kung walay kwarta, ehdi wala. Luoy kaayo ko, wala na koy mabuhat. Lisud kaayo ang kahimtang sa tao na walay kwarta. Murag ang kwarta ang nagdala sa kinabuhi, pero dili baya. Pero kung walay kwarta, murag wala galihok ang kalibutan. Unsaon man nimo pag lihok kung walay kwarta. Wala kay pliti, wala kay pagkaon, alangan namang manlimos ka, wala man sad kay malimusan. Paka ulaw lang ang imung buhaton. Naay trabaho pero walay kwarta, unsaon man natu na? Wala na tay pyutyor ani. Wala may kwarta.

Ngano kaha puros kwarta nalang ang atong gina huna huna? Kung ang mga pinaka nindot na butang sa kinabuhi kay libre man. Asa man ka mukuha ug libre na nindot? Lisoda sad mangita ana uy. Pero unta tinuod ang pinaka nindot na butang sa kinubuhi kay libre. Para di na ko manggahot ug magka kwarta...